Aankh ke sotey  sukhaye dil  ko sehra  kar  diya
Zabt-e-gham nay ab humara haal kaysa kar diya   

Hamsafar woh kya huwa keh dost bhi dushman huye
Is  rifaqat  nay  hamain  to  aur  tanha  kar diya

Roshni ke jashn ka armaan tha so yun hua
Kheergi itni barhi kay shehr andha kar diya

Aagaya bazaar main aab-e-musaffa is liye
Khoon sasta ho gya pani ko mehnga kar diya

Khush hai manjhi kuchh musafir beh gaye maujoon kay saath
Khauf-e-gharqabi nahin ab bojh halka kar diya

Apney saaye say bhi ab hai hur koi sehma hua
Kya kisi aaseb ne basti pe saya kar diya



                                                                  Murtaza Birlas

Home
Ghazal by Murtaza Birlas
Copyrights (C) Reserved by Author
Print/Download in PDF
Index of Iztirar
Download Free Acrobat Reader (R)  for Opening PDF Files